الموسم الثاني

رحلة مربية الحلقة الثالثة عشر “١٤ حديث يجب أن نمتنع عنها مع أطفالنا” (فيديو)

رحلة مربية الحلقة الثالثة عشر “١٤ حديث يجب أن نمتنع عنها مع أطفالنا” (فيديو)

وفاء غيبة ـ فريق الموقع

السلام عليكم وأهلا وسهلا فيكم بحلقة جديدة من رحلة مربية

اليوم الحلقة غير كل الحلقات ورح أبدأ بحديث من الرسول محمد صلى الله عليه وسلم: “من كان يؤمن بالله واليوم الآخر فليقل خيراً أو ليصمت”.

حلقة اليوم لكل أم ولكل أب ممكن يحكوا كلام أثره هائل وممكن يترك دمار في نفوس أطفالهم، اليوم أنا عم أحكي معك وعم احكي معك، بيهمني جدا انه لما تسمعوا كلامي تحاسبوا أنفسكم

رحلة مربية / أحاديث يجب أن نمتنع عنها مع أطفالنا

مو شريك حياتكم، مابدي تقولي ايه جوزي بيقول هيك لاولاده او صح هيك مرتي بتحكي مع الاولاد

بدي تكتشف شو عم تقول انت وانتِ وتكونوا واعيين لكلامكم جيبوا ورقة وقلم وتابعوا معي.

بسم الله نبدأ

بحلقة اليوم غطيت ١٤ حديث في أهالي ممكن يحكوا مع أطفالهم بحياتهم اليومية ومع هيك ماشملت كل الأحاديث.

مهم جداً ننتبه شو عم نحكي مع أطفالنا وشلون عم نعبر عن غضبنا واستياءنا وكتير أمور غيرها،

اللي منقوله ممكن يبني او يهدم احترامهم لذاتهم وقدراتهم وشخصياتهم ومستقبلهم،

لازم نعي أنه الكلام اللي عم نحاكيهم ياه ياأما رح يخليهم يواصلوا بهي الطريقة ياأما عم نورثوهم ياه،

كوننا قدوة لأطفالنا فأي تأكيد أو نفي بيصدر منا اله قيمة كبيره كلماتنا الها القدرة انها تـ.ـجرح أو تداوي والاختيار النا

قبل ما ابدى بدي أعـ.ـتذر أني عم اشرح وأعطي أمثلة واقعية بس صدقوني في ناس هيك

بتحكي مع أطفالها وضروري وضحها لحتى توصل رسالتي

طيب شو هي الأحاديث ١٤  اللي ممنوع و مرفوض تماما نحكيها لأطفالنا:

أولاً:

السـ.ـب أي كلام بيتضمن شـ.ـتم بكلام بـ.ـذيء ومسميات حيوانات وألقاب دونيـ.ـة مافيني حتى احكيها بحلقتي

هي ممـ.ـنوعة تماماً، لاتزرعوا السب بقاموس طفلكم وانتبهوا لأن رح يسبكم ويسب كل رفقاته فيما بعد.

ثانياً:

الدعاء عليه متل (الله لايوفقك إذا مادرست، الله يبليك بصحتك إذا رح تضل تلعب، أنا غضبان عليك، يارب ترسب مشان تقدر المدرسة،

إن شاء الله تخسـ.ـر باللعبة، مارح ارضى عليك لحتى تسمع كلامي) وغيرها وغيراتها من الأدعية وكأن الطفل عدو على الجبهة.

ثالثاً:

المقارنة متل ( طبعا لازم ابن عمك يجيب علامات أحسن منك، يعني مافيك تصير تدرس متل فلان و فلان لازم تضل الأخير،

ليش رفيقك بالفصل علامته أحسن منك ياريتك بس تصير متل اخوك، انا بصغري بحياتي ماكنت هيك انت لمين طالع) هي المقارنة الحارقة عم تدمر فانتبهوا.

رابعاً:

توقعات فاشـ.ـلة للمستقبل ( انت أخرتك زبال شـ.ـحاد سواق شاحنة أو باص، إذا مارح تدرس دوبك تكون جرسون أو تغسل صحون اكل للناس الناجحة

هدول العمال اللي بالطريق رح تكون واحد منهم اذا هيك بدك تضل تلعب وماتدرس!) لهدول الأهالي لويين رايحين ؟؟

شو عم تثبتوا بعقولهم، شو بدكم منهم ؟ مين عطاكم الحق تتوقعوا مستقبلهم وقفوا الآن وراجعوا حساباتكم.

خامساً:

طباعة الوصمة، متل: (أنت كسـ.ـلان، انت فجـ.ـعان، انت سـ.ـمين، انت مابتقدر تعمل شي لحالك لازم ساعدك، أنت فاشل أنت كذاب أنت غبي وغليظ،

لازم قول ١٠٠ مرة صعب تفهم من اول مرة، أو بعض الأهالي بيحكوا مع حدا آخر والابن حاضر وسامع : والله ابني عنـ.ـيد، مابيحترمني مابيسمع كلامي،

والله صاير هالولد كسـ.ـلان مابعرف شو بدي اعمل فيه، أما ابني عليه صوت عالي بيصـ.ـرعني لما بيحكي )

اضاءة سريعة قولوا عن اطفالكم ورح يصيروا هيك فهنيئا لكم.

سادساً:

حرمـ.ـانه المهارات، بمواقف كتير أطفالنا ممكن تبادر تعمل شي جديد عليها لكن البعض بينظر انه قدراته مابتسمحله يحققها مع انه

بشوية تدريب رح يتقنها متل ( أنت مارح تعرف تنظف هات عنك، خلص هلأ هي اللعبة صعبة بلاها بس تكبر بتعملها،

أنا بعملك ياها، أنت خلص خليها ويا أنا يابابا منساويها عنك عطوا اطفالكم فرصة يجربوا ويبدعوا،

ماريا مونتيسوري بتقول never help a child with a task at which he feels he can succeed

لا تساعد الطفل أبدا في مهمة يشعر أنه يمكن أن ينجح فيها

سابعاً:

تنمية الغـ.ـرور، في خيط رفيع بين أني أدعم طفلي وقوي ثقته بنفسه وعلاقتي معاه وبين أني عزز غـ.ـروره بنفسه، متل: (أنت أذكى واحد شفته بحياتي، أنت ذكي،

أنت كامل، انت لايمكن حدا يقدر يوصل لقدرتك، انت مســ.ـتحيل قلك لأ، أنت الأفضل بين الجميع) هيك جمل رح تعطي طفلك غـ.ـرور مو ثقة،

فبدالها خلينا نقول بيعجبني اجتهادك ومحاولتك الدائمة للانجاز، انت أغلى البشر بقلبي

وكل طفل هيك اهله بيحبوه خلي الميزان شغال ولا نزرع الغرور.

ثامناً:

عدم احترام مشاعره، متل: ( وقف بكاء انت موبنت او مو بيبي، يعني شوه الشي السـ.ـخيف اللي بيـ.ـزعل، مافيك شي خلص،

خلص اتركني وبعد عني مو كل شوي تجي تبكي عندي..) قدروا واحترموا المشاعر ليحترموا مشاعركم..

تاسعاً:

تحـ.ـطيم، وهي كتيرة للأسـ.ـف متل (موهيك بتنلعب اللعبة شو عرفك انت، دائما بتخيب ظني، أنت مافيك ومارح تقدر متل هديك المرة فشلت،

انت متل ابوك بهي القصة ، خليك عم تاكل وصير سمين ، مارح تتغير، ) ممكن ما تحطموا أطفالكم وخلوهم بشر طبيعين.

عاشراً:

تحميله هـ.ـموم الأهل، متل : (كيف بدنا ندفع اجار البيت، ماعندي مصاري، رح يمشوني من الشغل، انا وامك او ابوك متخانقين، ابوك او امك مزعلتني)

أطافلكم مو محتاجين يحملوا هموم كبيرة هنن ماعندهم القدرية العـ.ـقلية ولا النفسـ.ـية انه يتعاملوا معها، فأرجوكم بعدوهم عن همـ.ـومكم.

النقطة 11:

عدم التعزيز ورؤية النواقـ.ـص، بعد انجاز الطفل لأمر ما في أهل بيحبوا ينكشوا شغلة ماعجبتهم لأن بيحبوا كل شي ظابط ومافي شعره غلـ.ـط

وكأنه طفلهم رجل آلي، متل( علامتك بالعلوم منيحة بس مافيك تجيب هيك بباقي المواد؟

٩٠٪ ماشي حالها بس كان بدي ١٠٠٪ كنت عنجد انبسطت،

هلأ انت مرتب الغرفة بس لازم تنسى تطوي بجامتك، الرسمة بدها كتير شغل لحتى اقدر قول انها حلوة،

ايه مبسوطة انك فزت بالمبارة بس لو جايب علامات عالية كنت رح انبسط اكتر.

النقطة 12:

قدوة سـ.ـيئة، متل كمان هون في شعرة بتفصل بين قوي علاقتي بأبني وبين اني كون قدوة سـ.ـيئة لطفلي،  في أهالي بيتفاخروا

او بيشاركوا مور مفروض ما تتشارك مع أطفالهم لان الها عواقـ.ـب صـ.ـعبة، متل: ( انا بصغري كنت دخن من ورا أبي، بكره الرياضة والرجيم،

جدك دائما بيطلب طلبات مزعـ.ـجة، رفقاتي رواتبهم احسن من راتبي، أنت عايش ببيتي وبفلوسي ولازم تسمع كلامي، أنا بشتغل مشانكم

ومافي تقدير ولا تلبية لطلباتي!) انتوا قدوة كلماتكم رح ترجع في مستقبل أطفالكم كتصرفات وجمل ينقلوها لأحفادكم فانتبهوا.

النقطة 13:

هو عـ.ـبء، تعبيراتنا الي منستسهلها رح توصل لأطفالنا كمشاعر ويبني عليها علاقته معنا فلا ندمر هي العلاقة بجمل مالها الا الأثر السـ.ـلبي،

( انت موشايف اني عم اطبخ وقتها هلأ تطلب هاد الطلب، مابتعرف تفوت عالحمام الا لما بدي ابدا أكلي، من وين بدي جبلك حق هي اللعبة،

انت الوحيد بكل العيلة الي مابتسمع الكلام ولا بتتبع القوانين، انت من صغرك اكتر واحد تعبتني، كل ما باكل مابتهنيني، شو بدك مني هلأ انا موفاضية،

وقت تلفوناتي ممنـ.ـوع تقطعـ.ـني او تحاكيني) طفلك محتاج يفهم القوانين ويحترم انه مرات الك وقت خاص فيكي بس مو هيك ولا باستخدام هي الجمل.

النقطة 14:

إرهـ.ـاب، في أطفال عايشين بإرهـ.ـاب بين أكتر ناس لازم توفرلهم الآمان، وكل فكرهم الأهل انه

هيك التربية وعطت نتيجة، متل (رح اتركك بالبيت لحالك وامشي،

والله لكسـ.ـرلك لعبتك، حاتشوف بس نرجع عالبيت، احسنلك تعمل اللي عم قلك عليه،

رح ترجع عالبيت ها، رح اضـ.ـربك، يابتسمع كلامي

يارح اتصل عالشـ.ـرطة تاخدك او رح جيب الدكتور يعطييك ابرة،) بس بس ارجوكم بس لا ترهـ.ـبوا اطفالكم،

حـ.ـرام حـ.ـرام يسمعوا هاد الكلام ارجوكم وقفوا اليوم. مابتتخيلوا اثره النفسـ.ـي على ابنكم اغلى ماعندكم.

بعتذر على طول الحلقة لكن لأهميتها، الكلام اللي عم نقوله صح ماله لون ولا وزن وحجم لكنه متل الفـ.ـايروس اللي بيفتك وبيهد وبيقتل

ونحن مو شايفينه، عم تجيني استشارات كتيرة وبداية مشكلتها كانت من نوعية الكلام اللي حكوه

الأهل مع أطفالهم  مشانكم ومشانهم قل خيرا او فالتصمت

هي نهاية حقلتنا لليوم بتمنى تكون عجبتكم.

ولتحجزي معي استشارة خاصة بعتيلي على الواتس على هاد الرقم +966 55 257 9023 لأبعتلك كل التفاصيل.

بلاقيكم بحلقة جديدة الأسبوع الجاية

بحبكم

وفاء غيبة

دراسة: نتائج العنف الأسري على دماغ الطفل تشبه تدمير الحرب للجنود

مقالات ذات صلة

زر الذهاب إلى الأعلى