الموسم الثاني

رحلة مربية الحلقة العاشرة ” ساعدي طفلك بالتعبير” (فيديو)

رحلة مربية الحلقة العاشرة ” ساعدي طفلك بالتعبير” (فيديو)

وفاء غيبة ـ فريق الموقع

السلام عليكم وأهلا وسهلا فيكم بحلقة جديدة من رحلة مربية

ابني كتوم ابني مابيشاركني الأحداث اللي عم تصير معاه بالمدرسة بنتي مابتحكيلي شو عم يصير معها،

كيف خلي ابني يعبر ويفضفض كيف نقدر نخلي أطفالنا يعبروا ونكون جزء من حياتهم الخاصة.

 

رحلة مربية / ساعدي طفلك بالتغيير 

بسم الله نبدأ

في البداية:

علاقتنا بأطفالنا بتبدأ من شهور عمره الأولى، مارح يجي يوم ونقول اووه صار ابني عمره ٥ سنين صار وقت افهمه

واتقرب منه وكون رفيقه اللي عم تعمله اليوم مع طفلك رح يلحقك لحتى يصير عمره ١٠ و ١٥ واكتر من هيك

فلما رب العالمين بيكرمنا بطفل ينور حياتنا مسؤوليتنا كأمهات وآباء اتجاه هي الأمانة أنه نحن نتعلم ونتجهز ونثقف انفسنا كيف نتعامل مع هاد المخلوق الجميل،

ومن اهم الأمور اللي لازم نحرص عليها هي التقرب من طفلنا وفهم شخصيته ومعرفة اهتماماته تقبله متل ماهو وتوفير اله الحب والحـ.ـزم بشكل متوازن بدون ضغـ.ـط وقـ.ـسوة أو دلع و تـ.ـسيب

لحتى تكون العلاقة سليمة وصحية ويكون الناتج انه طفلنا يوثق فينا ويقربنا لحياته الشخصية لما يكبر وما يكون منفـ.ـصل عنا.

ولحتى نحصل على هي العلاقة الحلوة في عدة نقاط منحتاج نعملها من أول شهر بحياة طفلنا واللي هي:

أولا:

الاستجابة لبكاؤه من بداية شهور الطفل الأولى بيعبر عن احتياجه الك من صرخاته، لاتقولي انه هو شبعان ونظيف فضروري يصرف وقت لحاله،

لا بالعكس بشهوره الأولى محتاج يوثق بأنك موجودة لأجله وانتبهي توصليله رساله انك مهمل وغير مهم لما يبكي فورا احمليه وشبعيه حب وحنان ،

ثانياً:

من شهوره الأولى احكي مع مولودك ، دائما احكي معه وعبريله عن مشاعرك وغنيله، اتطلعي بوجهة وورجيه انه هو مهم وبتحبي تتواصلي معه هيك رح تعلميه أهمية التواصل من بكير.

ثالثاً:

لما يكبر طفلك سنة ويصير يمشي ويستكشف لا تقمعيه وتخانقيه لانه بس عم يجرب ويبحث ويغذي شغف التعلم عنده،

وفريله بيئة تناسب استكشافاته وخليه كلمة (لا يا ماما هي خـ.ـطر نمسكها) بس على الشغلات اللي فعلا

خـ.ـطرة متل الكهربا او أغراض المطبخ، ووفريله بدائل للاكتشاف بالمطبخ وبكل البيت.

رابعاً:

علميه مسميات المشاعر، استغلي المواقف اللي فيها مشاعر وعلميه مسمى الشعور، اذا كانت واعدتيه يطلع من البيت وماقدرتوا

لسبب ما رح يشعر بالحـ.ـزن او الاحبـ.ـاط قوليله انت محبط صح؟ كتير بيـ.ـزعل انه نكون بدنا شغلة وبعدين ماتزبط

علميه كمية كبيرة من مسميات المشاعر في اكتر من كلمة سعيد وحزيـ.ـن، في غاضـ.ـب، متحمس، متفائل، مشتاق، متعاون،

شغوف، خائـ.ـف، وحيد، واكتر من ٥٠ مسمى لشعور مختلف، كل مازادت معرفة طفلك كل ماقدر يفهم نفسه ويعبر عن مشاعره.

خامساً:

تقبلي مشاعره مهما كانت، من أسـ.ـوأ المواقف اللي ممكن تمر على الانسان هو ان يستـ.ـخف احد بمشاعره وما يتفهمه،

فما بالك لو كان طفلك اللي شايف الدنيا من خلالك انت وابوه، دائما ادعمي وتفهمي وطبطبي لحتى يرجعلك لما يكبر.

سادسا:

كوني متواجدة، من الجميل جدا في بناء علاقة سوية مع أطفالنا انه نكون متواجدين لحتى نسمعهم وقت ما بيحتاجونا، طيب ممكن تقوليلي

انه انا عندي دوام ومابقدر كون معه ، صحيح لكن التقنية سهلت هي المهمة علينا كتير، خلي معاه جهاز يقدر يوصلك امتى مااحتاج وانت

بأول فرصة رح تتواصلي معه، وبتكملي الدعم بس ترجعي على البيت، وهون بحب اشكر زوجي اللي شغله بيتطلب السفر الكتير

ومع هيك دائما بحسه موجود مع الاولاد بسبب التواصل على الواتس آب منسجله صوت وبأول فرصة بيرد وبيدعم.

سابعاً:

ساعدي طفلك على التعبير من خلال أسئلة صغيرة وواضحة، يعني لما يكون طفلك عمره ٣ سنين اكيد مارح يرجع من المدرسة ويحكيلك عن كل الاحداث،

فا انت تجهزي بأنك تتابعي بالخطة الاسبوعة وتعرفي شو عم يصير معاه بالمدرسة ، وابدي أسئليه كم سؤال متل، اليوم المعلمة قرأت سورة الفاتحة صح؟

انشدتوا انشودة abcd وانشديها معه، ممكن تعرفي أصدقائه وتقوليله اليوم لعبت بالملعب مع خالد ولا سلمان، وقت الوجبة قعد جنبك سعد ولا عبد الرحمن،

هيك أسئلة واضحة رح تخليه يرد عليكي ويصير بينكم حوار ورح يوصل لطفلك انك مهتمة وبس يكبر وتزيد مهاراته بالتعبير رح يحكيلك بدون ماتحتاجي هي الأسئلة.

ثامناً:

احترمي خصوصيته، في بعض الأهالي بيضـ.ـغطوا على طفلهم انه يحكيلهم احداث يومه مع انه هو مو حابب،  فهيك بيكونوا شرح

بالعلاقة هنن بغنى عنه، ممكن نسأل ونورجي اهتمامنا وبعدين منقله بس بتحب تقلي انا جاهز خليه على راحته.

تاسعاً:

ردود الفعل، لما بدنا نكون علاقـ.ـة سوية مع أطفالنا خلينا نحط تحت كلمة ردود الفعل 1000 خط لاهميتها، لما طفلك بيكسـ.ـرلك فازا

او بيـ.ـكب شي بدون قصد او بيعمل شي بيغـ.ـضبك، شو ردة فعلك؟ هل رح تغضبـ.ـي وتبدي بوصف سلوكه بأنه مهمل وما بيسمع الكلام، ومشاكس،

ولا رح تتقبلي خطـ.ـأه بروية وتقوليله انه السلوك غير مقبول وتعلميه كيف يعدله وتعطيه بدائل لصرف طاقتة بعيدا عن تكسير زينة البيت

الجواب عندك وهنيئا للأم العـ.ـصبية بطفل حريص انه يخبي خطأه عنك بمهارة وهنيئاً للام اللي بتتقبل خطـ.ـأ طفلها

بهدوء وتسـ.ـتغله فرصة لتعليم طفلها الصح بأنها تكسب طفل صريح واثق من نفسه ومتصالح مع ذاته .

عاشراً:

قربيه منك واحكيله عن أسرارك، لما بيشعر طفلك أنه هو بيت سـ.ـرك مع الوقت رح يبدا يحكيلك أسراره وهيك بتكوني أنت وهو الكسبانين.

لحتى طفلك يحكي ويشاركك أحداث يوميه لازم يكون مرتاح وضامن ردة فعلك انها ماتكون قاسـ.ـية ومخـ.ـيفة،

فخلينا نوصل لهي المرحلة مع أطفالنا ونقدر ندخل لعالمهم قبل مايبدلونا بصديق سـ.ـوء ممكن يهدم كل الي بنيناه.

هي نهاية حقلتنا لليوم بتمنى تكون عجبتكم..

ولتحجزي معي استشارة خاصة بعتيلي على الواتس على هاد الرقم +966 55 257 9023 لأبعتلك كل التفاصيل.

بحبكم

وفاء غيبة

غالباً ما يصيب الأطفال الذين تقل أعنارهم عن 6 أشهر .. بتلك الخطوات تنقذين طفلكِ من الإصابة بمرض زكام الرضيع

مقالات ذات صلة

زر الذهاب إلى الأعلى