رحلة مربية الحلقة التاسعة “وداعاً لمشاكل الأخوة”(فيديو)

وفاء غيبة ـ فريق الموقع

أهلا وسهلا فيكم بحلقة جديدة من رحلة مربية.

اليوم رح احكيلكم عن موضوع بتجيني عليه عشرات الاستشارات واللي هو مشـ.ـاكل الاخوة، كيف خلي ابني يفهم انه اخو اصغر منه.

كيف خليهم يحلو مـ.ـشاكلهم لوحدهم، بيتي طول الوقت مشـ.ـاكل وصـ.ـريخ، شو أعمل؟ حابين تعرفوا شو الحل؟

بسم الله نبدأ

تربية الأطفال هي المهمة الممتعة بتحدياتها لا تتخيلي في أم بالدنيا ما واجهت صـ.ـعوبة بتربيتها لأطفالها،

ولكن في أم نظمت أمورها وطورت من نفسها وتعلمت تقنيات خلت مواجهة التحـ.ـديات أوضح وأسهل.

حلول مشاكل الأخوة:

1. لازم تعرفي أنه من أهم أسباب المـ.ـشاكل بين الأخوة هو عدم وجود روتين بحياتهن، حكيتلكن عن الروتين بالحلقة الثانية من رحلة مربية لازم تشوفوها

لأن اذا ما كان في روتين يرتب يومهم ويمليه أنشطة راح يتسلل المـ.ـلل لطفلك وراح يبدأ بخلق المـ.ـشاكل مع اخته او اخوه.

2. كتير أطفال بتحب تلفت انتباه الأم أو الأب ولكن بسبب عدم نضج الطفل لفت النظر ممكن يظهر بطريقة سلـ.ـبية وبسلوك سـ.ـيء

ولحل هي المشـ.ـكلة لابد وضروري يكون في وقت خاص من الأهل للطفل بعيداً عن الدراسة او الواجبات المنزلية

قت للضحك والمرح والتقرب منهم وشحن العلاقة اللي بينكم.

ممكن تعملوا عمل فني او تقرأولهم قصص، او اذا كان طفلك كبير شوي ممكن تاخديه على قهوة وتفضفضوا لبعض اسراركم

3. عدم وجود قوانين واضحة في المنزل رح تخلي الطفل تائه ومو عارف امتى راح يتحاسب وامتى لا

لذا انا بنصح بتوضيح قوانين المنزل لأطفالكم  متل ممنوع الـ.ـضرب او العـ.ـض، احترام الدور ومشاركة الألعاب وتبادل الادوار.

وبعدين اخبارهم بحزم انه عدم احترام هي القوانين راح تخلي يواجه عـ.ـواقب متل العقـ.ـاب الصحي، شرحتلكم عن العقـ.ـاب الصحي بالحلقة الرابعة والخامسة

لأن الطفل لما يتعدى حدوده ومايلاقي حدا عم يوقفه بحزم.. السلوك السـ.ـيء راح يستمر والمشـ.ـكلة راح تتفاقم

4. العدل بين الأخوة من قبل الأهل، كتير في أهالي بيضـ.ـغطوا على الطفل الأكبر بأنه يستحمل اخوه الأصغر،

وهاد الشي بالنسبة الي مو عدل لأن ابنك الأكبر مازال طفل ومحتاج مراعاة

مشان هيك لا تحملي أي حدا من اطفالك اكبر من طاقته،

وتذكري انه ممكن اطفالك يساعدوكي في بعض المهام بس مو يقوموا بدور الأمومة عنك

5. كوني أنت وزوجك قدوة من خلال تعاملكم اليومي مع بعض ومع أطفالكم،

ولا تنسوا انه اطفالكم عم يستنشقوا تصرفاتكم وأسلوب كلامكم وردود افعالكم للمواقف الصـ.ـعبة

6. التعزيز الإيجابي للسلوك الحسن، هو واحد من اهم الأساليب الي بتخلي طفلك يستمر بالسلوك الجيد

مثال: اذا لقيتي اطفالك عم يلعبوا مع بعض بسلم، قوليلهم: محمد وخالد أنا فخورة فيكم كتير بتعرفوا ليش؟

لأنكم عم تلعبوا مع بعض بطريقة كتير حلوة وحبيت كيف عم تشاركوا بعض العابكم وعم تقولوا لو سمحت وشكراً

بهي الطريقة راح يتعزز السلوك الجيد وراح يحرصوا على تكراره لحتى يسمعوا كلماتك التي كالبلسم على قلوبهم

7. نظرية دور دور ضروري يفهموها اطفالك ويعرفوا انه لما تكون اللعبة مشتركة بينهم رح يتشاركوها من خلال وضع توقيت لكل واحد فيهم،

يعني انت بتلعب بالمكعبات لمدة عشر دقائق وبس يرن المنبه بيصير دور اخوك

8. من خلال مشاكل الاخوة راح تتطور عند طفلك اكتر من شغلة، متل مهارة حل المشـ.ـاكل،

الصبر، التعبير اللغوي، ضبط الاعصاب عند الغـ.ـضب، المشاركة، تفهم مشاعر الطرف الاخر، الدفـ.ـاع عن النـ.ـفس.

كل هي المهارات راح تفيد طفلك لما يطلع على المجتمع ويقابل أطفال من بيئات مخـ.ـتلفة،

فحاولي تستغليها بتطوير مهارات طفلك ولا تقولي انها مشـ.ـاكل بدون فائدة.

9. تفهمي حالة طفلك وقت المـ.ـشكلة، هل هو مريـ.ـض، نعـ.ـسان، جـ.ـوعان،

مزعـ.ـوج من موضوع ما، لما تتفهمي طفلك راح تعرفي سبب المشـ.ـكلة وممكن تتخـ.ـلصي منها او تتجنبيها.

يعني لا تأخري وقت الوجبات، نظمي نوم طفلك ولا تخلي يتأخر بالنوم،

اذا كان مزعوج من موضوع معين حاولي تقعدي معه وتتفهمي شو اللي مزعـ.ـله وتعدليله مزاجه.

وطبعاً اذا كان عنده بدايه حرارة او مريـ.ـض ممكن تخبري اخواته انه مزاجة مو رايق لحتى يتجنبوا المشـ.ـاكل معاه.

10. لما يصير في مشـ.ـكلة ين الاخوة بده يكون ميزانك شغال، مشان توزني هل هي المشـ.ـكلة تستحق اني اتدخل وساعدهم لوجود الحل ولا المـ.ـشكلة بيقدروا يحلوها لحالهم.

طبعاً ضروري جداً قبل ماتقولي لأطفالك حلوا مشـ.ـاكلكم لوحدكم تكوني علمتيهم تقنيات حل المـ.ـشكلة مثال: لقيتي ابنك الصغير عم يبـ.ـكي وسيارة اخوه الأكبر بأيدو ومكسـ.ـور واحد من الكفرات.

اول شي مفروض تفهمي شو اللي صاير، ودائما حطي ببالك ان الطفلين عملوا شي لبعض،

رح تكتشفي انه الكبير ضـ.ـرب الصغير بعد ما الطفل الاصغر كسـ.ـر لاخوه كفر السيارة

هون رح تقولي لطفلك الأكبر انا مابسمحلك ابداً انك تضـ.ـرب اخوك وبتعرف هاد ممنوع بقوانين البيت، وبعدها فوراً بتطلعي على طفلك الأصغر

انا اسفة لما بدك لعبة من اخوك لازم تستأذن منه واذا سمحلك بتاخدها اما انك تاخد اللعبة وتكسـ.ـرها فانا ابدا مابسمحلك تكسـ.ـر العاب اخوك

قول لأخوك اسف، وبعدها بتطلعي على الأخ الأكبر وبتقوليله هي اخر مرة بتمد ايدك على اخوك اذا تكررت انا مضطرة اني عاقـ.ـبك

ممكن تقول لاخوك اسف ومرة على مرة رح يعرف كل طفل شو حدوده وشلون يتفهم مشاعر اخوه.

دائما علمي اطفالك المسموح والممنوع شو يقول وشو الجملة الأنسب، لا تقوليله لأ وبس لازم تعطيه بدائل

وتذكري انه اطفالك مارح يتدربوا على مهارة التعامل بين بعضهم بيوم وليلة ، الموضوع محتاج ثبات واستمرارية وتذكير بشكل دائم لقـ.ـوانين المنزل.

هيك بتكوني دربتي طفلك يحل مـ.ـشكلته مع اخوه وبعدين لما يكبر مع الأطفال اللي راح يقابلهم.

هي ختام حلقتنا لليوم بتمنى تكون عجبتكم.