رحلة مربية الحلقة السابعة عشرة ” أهمية تحفيز طفلك” (فيديو)

وفاء غيبة ـ فريق الموقع

أهلا وسهلا فيكم بحلقة جديدة من رحلة مربية.

كلامك ونظراتك وردات فعلك الها دور كبير بتكوين شخصية طفلك ونظرته للحياة، ثقته فيكي وبمن حوله، مدى صبره وكمية إنجازاته،

مشان هيك قد مابتقدري اعتمدي أسلوب الدعم والتحفيز لاتقصري وابتعدي عن النـ.ـقد الهادم، وابدأي التغيير للأفضل كيف وشو تعملي بهي الحلقة رح قلك.

بسم الله نبدأ

اليوم رح اعطيكي عده نقاط أساسية بتساعدك بتحفيز طفلك بدل نقـ.ـده وبإذن الله لما تطبقيها رح تشوفي الأثـ.ـر بسـ.تلوكه وبحياتكم:

أولاً:

تذكري دائماً أن تمدحي المجهود الي بيعمله متل” يالله ياعمر اديش انت تعبت لحتى ركبت هي المكعبات، بيعجبني صبرك لحتى تنجز”

ابتعدي تماماً عن مدح الذكاء أو الشكل، لأنك حاتخلي طفلك يركز عليهم زيادة ويقل مجهوده بالانجاز.

ثانياً:

اصطادي أي سلوك جيد و امدحيه عليه وقولي له: ” أنا معجبة فيك لانك شاركت اخوك اللعبة، أنت رائع، ربي يرضى عليك”. بتعجبني لما ترتب العابك.

ثالثاً:

لما تمرق فترة من الزمن وطفلك ماعمل أي سلوك سـ.ــيء قوليله، شوف ياأحمد انت كل الفترة الماضية

قدرت تضبط نفسك ومالمست شغلي هاد يعني انك كبرت وقدرت تضبط نفسك وتتحكم بإيدك، عنجد انا فخورة فيك”.

 رابعاً:

قولي لزوجك أو والدتك، بحضور طفلك وبصوت فخر وحماسـ.ـي “بتعرف شو عمل محمد اليوم؟ تخيل انه قدر يرتب غرفته وألعابه لحاله بدون مساعدتي!

تخيل اديش كبر حتى صار يقدر يعمل هيك، ومو بس هيك كان سريع ومرتب” طبعا رح تكون ردة فعل زوجك او والدتك داعمة ومشجعة،

لان فيها رح ينتعش طفلك ورح يحس بالفخر والحماس لتكرار السلوك الجيد وبنصحك تسترقي النظر لوجه طفلك وانت عم تحكي عنه بحماس لان تعابير وجهه وانت عم تحكي عنه لاتوصف.

خامساً:

رددي كلمات الدعم لما تحسي مو قادر يعمل المطلوب وبس محتاج تشجيع متل: “أنا متأكدة أنك بتقدر، أنت صبور، أنت كبرت، حاول مرة تانية رح تعملها”

سادساً:

لما يعمل طفلك سلوك سـ.ـيء لا تهاجمي مباشرة وتخلي يحس انه هو طفل سـ.ـيء حاولي تحولي مشـ.ـاعره من العـ.ـمد للنـ.ـسيان او الغـ.ـلطة الغير مقصودة،

قولي له: “ممم شكلك نسيت انه هاد مو مناسب نعمله صح، انا متأكدة انك نسيت لانك بتعرف قوانين البيت، شو بتتوقع كان لازم تعمل، او شو ممكن تعمل هلأ”.

 سابعاً:

علـ.تقي إنجازاته الي بيعملها مثل “رسومات أو كتابات أو أعمال فنية” وقوليله انه خـ.ـلى برادك او الحائط أجمل بإنجازاته واديش أنت فخورة فيه.

 ثامناً:

ابتعدي عن المقارنة الحـ.ـارقة لاتقولي طفلي غير الأطفال وتقبليه متل ماهو وقولي له:

“أنا سعيدة ومحظوظة أنك أنت أبني، انا اسعد انسانة لاني امك” حطي ببالك كل مرة بتقارني ابنك بحدا كل ما تراجع مسـ.ـتواه فالحل عندك.

تاسعاً:

لاتحطي توقعات عالية من ابنك، تقبلي انجازاته وادعميه عليها لو كانت بسيطة، انت دورك تدعمي وتشوفي شو بيحب وتشجعيه على التوسع بمهارته بدون ماتحسسيه انه ماعم يقدر يرضيكي مهما عمل.

عاشراً:

العبي معه تبادل الأدوار و اطلبي منه يمدحك بإنجاز بيعجبه فيك، وانت امدحيه بالامور اللي بتعجبك فيه هيك راح تتطور مهارات طفلك بالتفكير والتعبير والأهم انه رح تتطور علاقتكم ببعض وثقته فيكي.

هي ختام حلقتنا لليوم

ولو انت لسة تايهة بسلوك طفلك فيكي تحجزي موعد للاستشارة معي عن طريق التواصل مع مركز هدوء للاستشارات الاسرية على هاد الرقم:

+966551188912