رحلة مربية الحلقة عشرين “طفل صبور” (فيديو)

وفاء غيبة ـ فريق الموقع

أهلا وسهلا فيكم بحلقة جديدة من رحلة مربية.

اليوم بدي احكيلكم عن موضوع أشعر أنه من أهم الأعمدة اللي بتخلي طفلي سلوكه جيد،

ألا وهو النوم المنظم، شو هية كمية النوم الصحيحة وشلون بقدر ساعد طفلي ينام على الموعد كل هاد واكتر بحلقة اليوم.

رحلة مربية / طفل صبور

بسم الله نبدأ

لما بتجيني استشارة بيكون عندي مجموعة اسألة للأهل لحتى يتوضحلي أسلوب حياة هاد الطفل ووين الخلل

تاني سؤال بيكون بعد روتين الطفل بيكون كمية نومه، لأن كمية النوم الها اثر كبير على سلوك الطفل للإيجابي او السلبي.

رح حطلكم كمية النوم المناسبة لكل طفل بعمره وقارنيها انت بكمية نوم طفلك.. *ملاحظة انا حطيت صورة اخر الملف فيها كمية النوم المناسبة

اذا ممكن تحطيها كمان بالحجم الصغير جنبي مع الكلام اللي جاية

طيب متل مو شايفين الأطفال من عمر سنة ل 3 سنين بحتاجوا كمية نوم من 12 ل 14 ساعة

والأطفال بعمر 3 لل5 بيحتاجوا من 11 ل 13 ساعة نوم

اما الأطفال من عمر 5 ل 10 بيحتاجوا من 10 ل 11 ساعة

والاكبر من عمر 10 ل 17 اقل شي يناموا 8ونص ل 9 ساعات

اما البالغين، فلازم يناموا من 7 ل 9 ساعات

هلأ بعد ما عرفتي الكمية الصحيحة قارنيها بنوم طفلك، هل فعلا طفلك عم ينام كفاية.

اذا لا معنها لازم تعرفي انه واحد من أسباب سلوك طفلك السيء هو عدم كفايته من النوم.

طيب رح اعطيكم 8 خطوات أساسية يومية لازم تلتزمي فيها لتجيهز طفلك قبل النوم.

“التهيئة المبكرة هي من أهم شروط النوم، قبل بساعتين من موعد نوم طفلك ابدي جهزيه من ناحية تخفيف اضاءة البيت

انت تهدي وتحسسيه انه هلأ وقت هدوء وولا تستخدمي الصراخ او انك تستعجليه بأداء الأمور خلي كلشي سلس ورايق..

بالنسبة لوجبة العشاء ضروري انها تخلو من السكريات والأطعمة التي تزيد من نشاط الطفل،

خليها ساندوتش خفيفة، او شوربة، اهم شي تكون مشبعة بس مو ثقيلة ..

من المهم جدا أن يبتعد طفلك عن كل الأمور اللي بتزيد من نشاطه متل الألعاب الصاخبة أو الكرتون الحماسي والتنافسي،

اطفي ” التلفزيون والجوال، البلاي ستيشن و الآي باد”.

اطلبي منه تفريش أسنانه وبعدين بيجي وقت الاستحمام اذا قدرتي تحمميه بمغطس مي دافية لمدة عشرين دقيقة

رح يسترخي ويغط  بنوم عميق وهو راضٍ عن نظافته ورائحته العطرة.

بعد ما يلبس ملابس النوم المريحة حطيه بتخته الجميل بكل هدوء أطفئي أنوار الغرفة وخلي نور الممر يدخل عليه ليشعر بارتياح..

قبل النوم اصرفي معه احلى وقت ابتعدي عن اللوم عن تصرفاته اللي ماعجبتك بالعكس

اعطيه اجمل لحظات بقراءة قصة والكلام الايجابي، وأخيرا علميه أن يقرأ المعوذات ويقول دعاء ما قبل النوم.

قولي اديش أنت محظوظة فيه وبعدين ضميه بقوة وبحب لحتى يشعر بأنفاسك، أشبعيه من حنانك وخليه هيك يختم يومه.

انسحبي بهدوء ولطف، قولي له بكرة عنا يوم جديد وجميل مليء بالإنجازات والسعادة “تصبح على خير”

طيب في حال انا عملت كل هي الخطوات لكن ابني قام من سريره ولحقني، بقلك اكيد في أنواع كتييرة من الأطفال

في اللي تعود ماما تنام عنده واللي هو متعود ينام عندها بالغرفة واللي بيسهر السناريوهات كتيرة واكيد كل واحد لازم نشتغل عليه بطريقة معينة،

من تقنيات التدريج والتهيئة والحزم، واكيد مافيني اتطرق لكل الحالات هون، لكن فيني قول انه وقت اللي بدك تجهزي طفلك

للنوم بسريره وعلى الوقت مالك غير الثبات والاستمرار بدون ماتتراجعي عن قرارك،،

هي 3 خطوات

أول خطوة

اذا اول مرة قام من سريره رجعيه مع كلمة حبيبي وقت النوم

ثاني خطوة

اذا قام من سريره رجعيه مع كلمة وقت النوم

ثالث خطوة

رجعيه بدون ولا كلمة برجع بأكد بدون ولا كلمة هو صار عارف,, بعد هيك كل اللي لازم تعمليه انك تعيدي الخطوة التالتة

لو 30 مرة ولو اخدت معك ساعتين.. هي الطريقة مجربة على مئات الأطفال

وهي اللي راح تجيب نتيجة.

هي ختام حلقتنا لليوم

ولو انت لسة تايهة بسلوك طفلك فيكي تحجزي موعد للاستشارة معي عن طريق التواصل مع مركز هدوء للاستشارات الاسرية على هاد الرقم:

+966551188912