رحلة مربية الحلقة الأولى “أيامي في الحجر الصحي” (فيديو).

وفاء غيبة ت فريق الموقع

السلام عليكم واهلا وسهلا فيكم جميعا بحلقة جديدة من رحلة مربية

اليوم رح حاكيكم عن الموضوع اللي شاغل الكل

كـ.ـورونـ.ـا الاسم اللي فجأة فرض نفسه بكل بيت وبكل مكان، بسببه تغيرت حياتنا كلنا.

آلاف بل ملايين من البشر قاعدة بالبيت وماعاد قدرت تطلع وصار البيت هو مكان الراحة والدراسة والاكل والشرب والرياضة واللعب والمتعة والشغل والإبداع

شو عم يصير بالبيوت شلون عم تمضى هالساعات السؤال جوابه عندكم

كتير منا ممكن يكون حاسس بالملـ.ـل الإحـ.ـباط الـ.ـتوتر الهدوء الغـ.ـضب الضـ.ـجر الخـ.ـنقة او الوحـ.ـدة،

ويمكن تمرق علينا هي المشاعر كلها بيوم واحد وبالتأكيد هاد طبيعي.

أنا نفسي عم حس بالمـ.ـلل وعم حاول اهـ.ـرب منه بأني اشتغل وملي وقتي بأمور إيجابية لكن مع هيك حقيقة الا ما يمرق علي وقت

حس خلص تعبـ.ـت وطفـ.ـشت، وانا عارفة تماما انه هاد الموضوع عادي فأنا بشر واكيد بفطرتي بحب الحرية والطلعة والناس والهوا اللي برة.

لكن اللي مصبرني عدة امور

أولا:

يقيني برب العالمين انها فترة ورح تعدي.

ثانيا:

شعور أنه كلنا مع بعض عايشين نفس الاحداث والمشاعر بيخليني حس انه نحن مع بعض متماسكين.

ثالثا:

عم حاول حافظ على روتيني، فيق وغير والبس واترتب واطبخ واشتغل واقرأ والعب رياضتي عم حاول كون انا وفاء ام وزجة وكاتبة

رابعا:

عم ضل على اتصال مع الناس اللي بحبها، يااما كتابيا او هاتفيا او فيديو

بحكيلهم عن مشاعري وبسمع شو مشاعرهم وكيف عم يصرفوا يومهم شوي منضحك عالوضع وشوي منصبر بعض

خامسا:

عم العب مع اولادي واتقرب منهم اكتر وهي فرصة ذهبية النا كعائلة

سادسا:

استشعاري للنعم اللي ما نحرمتها، انا لسة فيني اتواصل مع اللي بحبهم لسة فيني اقرأ لسة فيني

اشتغل ولسة فيني اضحك والعب ولسة فيني احلم ويكون عندي أمل بالمستقبل.

 في نعم كتيرة ما التغت وهاد الشي لحاله بيخليني كون صابرة وحامدة وممتنة لله تعالى

حلقتي اليوم للام وللأب اللي مسؤولين عن تنظيم روتين اطفالهن .

للام والأب اللي مفروض انهم يتماسكوا ويقو بعض بهي الفترة الصعبة

لازم تعرفوا انكم محتاجين بعض محتاجين تتـ.ـنازلوا عن كتير أولويات كانت أساسية عندكم،

بدكم توسعو الدائرة وتعطوا نَفَس لانفسكم ولازواجكم واولادكم،،

عم تجيني استشارات من أمهات يائسـ.ـات بتقلي انا زوجي ماعم يعطيني المساحة الكافية لحتى يتنفسوا الأولاد ويصرخوا ويلعبو

عم يضربهم، عم يعصب عليهن، مو مستحمل هي الفترة وضايج.

وغيرها بتقلي انا عندي ٤ أولاد مو عارفة شو اعمل معهم اللي لازم لاحق دراسته عن بعد وشي لازم اطبخ

وشي لازم نظف وشي لازم الحق البيبي تبعي ولبي طلباته.

عزيزتي الام وعزيزي الأب

نحن عم نسمع عن حجر صحي لمدة أسبوعين او ٣، بغض النظر عن المدة لأن ممكن تطول القصة.

اليوم لازم نعيش الواقع نعرف نقاط القوة والضعف عنا.. نعرف الأولويات والمعتـ.ـقدات اللي عايشين فيها

وهل هي فعلا ضرورية ولا كـ.ـذبة عايشينها ومتعبين اللي حولنا معنا..

مثال للمتعتقدات او الأولويات اللي البعض بيتبناها:

البيت لازم يضل مرتب!!

لمين وليش حتى يضل مرتب لان مو قادرين نشوفه مكركب عم نضغط أولادنا ونحرمهم حقهم بالحركة واللعب، فانتبهوا

لازم ابني مايـ.ـصرخ، صحيح الصـ.ـراخ مزعـ.ـج لكن الصراخ مرات بيطلع ضغـ.ـط داخلي عند الطفل قله بكل بساطة

بدك تـ.ـصرخ روح على ابعد غرفة وسكر الباب وصـ.ـرخ لان بيزعجـ.ـني الصـ.ـراخ

اكسـ.ـروا شوي من معتقداتكم وأولوياتكم خصوصي هالفترة لاتخلو الضـ.ـغط دبل لا تعصروا اولادكم عطوهم مساحة شوي واستحملوا انتو شوي.

اكيد ضروري تعبو يومهن أنشطة والعاب ولكن اكيد وانا عم حاكيكم من تجربتي كلنا النا طاقة ومامنقدر

نعبي ال 14 ساعة اللي قاعدين فيها معهم بأنشطة إيجابية..

مشان هيك لا بأس بالتقصير او الخطأ لكن بالتأكيد بحدود نحاول قدر الإمكان يوميا يكون فيه روتين

ينمي مهاراتهم الحركية والعقلية

وهون رح احكيلكم شو اهم الأمور اللي حرصانا عليها انا وزوجي مع ليان وعمر وسامي:

أولاً:

دراسة الدروس عن بعد يومياً

ثانياً:

جلسة عائلية بعد صلاة العصر او المغرب وتعليم قيمة مثل الصدق الأمانة العطاء.

ثالثاً:

أنشطة حركية من خلال حلقات لتمارين رياضية باليوتيوب او معي انا لما العب

رابعاً:

طبخ اكلة او كيك او مجرد مساعدة بمهام المطبخ

خامساً:

مهمة يوميا بالبيت متل مسح الغبار، تنظيف الزجاج والمرايا ترتيب الألعاب وتجميع أكياس القمامة الله يكرمكم

سادساً:

قراءة قصة جماعية او رواية لليان بشكل فردي

سابعاً:

مشاهدة فلم عائلي

ثامناً:

عمل فني جماعي

تاسعاً:

لعبة جماعية متل إيجاد الكنز او اونو او منوبولي

عاشراً:

تواصل مع عائلتي او عائلة زوجي من خلال برامج الاتصال المباشر

هيك عم حاول اصرف ساعات يومي مع عائلتي وانتو شو عم تعملوا؟

اما بالنسبة الك انتِ كأم وأنت كأب

عندي همسة صغيرة الكم

اللي عم يصير غير كتير بتفاصيل حياتنا نحن البشر من أهم المسؤولين لاصغر العاملين،

هز الاقتصاد ووقف الطيران منع صلاة الجماعة وحظر التجول وكتير تفاصيل..

يمكن هاد مؤشر النا لحتى نراجع نحن لوين ماشيين بهالدنيا هل عم نترك اثر طيب ولا اللي حولنا تعابنين منا..

أتوقع صار وقت المصارحة صار وقت نسامح صار وقت نحب وصار وقت نبتعد عن قرارات ضرت اكتر مانفعت..

الواعي رح يستفيد من هالفترة كتير، رح يكتشف أنه بيقدر يعمل أمور كان يتوقع انها مستحيلة، رح يكتشف انه عائلته هي الكل بالكل،

رح يحس انه بيته مملكته وفيه يبدع من خلاله، رح يستوعب انه مافي شي بيسوى فا لا نحملها كتير،

رح يكتشف انه رب العاليمن عظيم وإنما أمره بين الكاف والنون..

هي ختام حلقتنا لليوم بتمنى تكون نالت على اعجابكم

بشوفكم على خير

وفاء غيبة