رحلة مربية الحلقة الحادية عشرة “دور الأب في التربية”

وفاء غيبة ـ فريق الموقع

أهلا وسهلا فيكم بحلقة جديدة من رحلة مربية

اليوم الحلقة موجهة لأهم انسان بحيِاة الزوجة واللي هو الزوج الأب دور الاب في العائلة مهم جداً وأساسي لأن هو مصدر الدعم والعطاء.

“للأم والأطفال” من دونه الأم بتتـ.ـعب كتير ومعه بتكون قوية وسعيدة.

اليوم رح احكيلك كيف فيك تكون أب متميز!

بسم الله نبدأ

وجود الأب الإيجابي بحياة الزوجة والأطفال بيخلي الجو العام بالبيت جميل وصحي.

كل ما اعطى الزوج زوجته الدعم والتقدير كل ما قدرت هي تعطي اطفالها وتصبر وقت بتواجه التحـ.ـديات بتربيتها لأطفالها.

اليوم بدي سلط الضوء على 10 نقاط أساسية لحتى يعيد الاب ترتيب بعض حساباته.

أولاً:

أظهر حبك لزوجتك أمام أطفالك يومياً إما عن طريق الكلمات الجميلة او الرسائل او حتى بالابتسام وتقـ.ـبيل الرأس او اليد.

وقول قدام اطفالك على سفرة الاكل “الله يخليلنا ياكي نحن عم نتعبك معنا، شكرا كتير لانك طبختيلنا”

هي الكلمات رح تعمل جو حلو ورح تخلي زوجتك تنسى تعـ.ـب اليوم.

ثانياً:

ثقف نفسك عن تربية الطفل وتذكر انه عدم معرفتك كيفية التعامل مع اطفالك ليس بـ.ـسوء منك بل لأنه هو علم ومحتاجين نتثقف فيه

فزيد ثقافتك من خلال قراءة الكتب ساعة اسبوعياً او حضور دورة مرة سنوياً، وفيك تشاهد حلقات على اليوتيوب برامج بتحكي عن التربية “برنامج رحلة مربية” بيقولو انه حلو.

ثالثاً:

انتبه من الوقوع بفـ.ـخ الأب الغاضـ.ـب اللي بيستخدم الضـ.ـرب او الصـ.ـراخ اوالنـ.ـقد لأولاده، لأن صدقني لو كنت بدك أولاد مميزين بالتأكيد مو هاد هو الأسلوب،

ولا تردد جملة “انا انضـ.ـربت وماصرلي شي” لان انا متأكدة اول عقبة واجهتك ما قدرت تمسك نفسك لانك انضـ.ـربت والدليل ضـ.ـربك لطفلك وقت بيعاندك ومايسمع كلامك.

رابعاً:

كن إيجابي وابتعد عن جلب مشاكل العمل وضغوطاتها للمنزل اكيد فيك تشارك زوجتك وتاخد رأيها وقت الحاجة

لكن ضروري جدا انك تكون متوازن وتعرف انه دخولك على المنزل لازم يكون دخول اغلى البشر للجميع وسبب لاكتمال سعادتهم.

خامساً:

لما يصير في موقف مع طفلك ورأيك غير رأي زوجتك، اياك وكسر كلمتها، واتذكر دائما انه زوجتك بتصرف وقت اكبر مع الأطفال ففيك ترجعلها وتشوف شو سبب رأيها

واذا ما قتنعت تناقشوا بعيداً عن الطفل، لحتى توصلوا لحل خلي طفلك يعرف انك انت والام متفقين ومارح يكسب واحد على حساب واحد.

سادساً:

كن صديق لطفلك وتقرب منه من سنوات عمره الأولى، لأن مو لما يصير عمره 15 فجاة رح تتذكر يكون صديقك بيكون فات الأوا،.

شوف شو بيحب والعب معه حتى لو كانت اللعبة مو من اهتماماتك وبس يكبر طفلك صادقه وخده على القهوة ودردشله عن الحياة وعلمه انه الحياة حلوة بس بتحتاج جدية والتزام

واعرف انه بهي النصف ساعة كسبت طفلك وكسبت انه لما يصير بعمر المراهقة ويقابل مراهق اخر يعلمه على عادات سـ.ـيئة طفلك

رح يكون عنده درع قـ.ـوي واكتفاء بوجودك بحياته, وليس هش عم يستنى أي فرصة ليثبت ذاته بعيداً عنك.

سابعاً:

اتبع القاعدة الذهبية بتربيتك لطفلك واللي بتشرح التوازن بين كفة الحب وكفة الحـ.ـزم انا حيكت عنها بالحلقة السابعة من برنامج رحلة مربية.

باختصار شديد القاعدة الذهبية بتقلك انك ماتكون الاب اللي بيدلع طفله وبيعطيه كل اللي بده ياه اول مايطلبه وبنفس الوقت لاتكون صـ.ـارم بشدة لان طفلك رح يطلع منكسـ.ـر وعنده مشـ.ـاكل نفسـ.ـية

فالقاعدة بتقلك كون محب وحنون وصديق لطفلك ووقت الحاجة كون حـ.ـازم واتبع أسس تعديل السلوك التربوية المعروفة.

ثامناً:

تذكر انك قدوة لأطفالك وكل شي عم تعمله هلأ ابنك وبنتك عم يستنشقوه بعقلهم وسلوكياتهم، فا أكيد انت بتتمنى يكبروا ويصيرو متلك واحسن،

لازم تكون الأب المسؤول عن تصرفاته وكلامه، مشان هيك اهتم “بصلاتك وعبادتك واهتم بنفسك وبغذائك، روح على النادي وانتبه على صحتك،

اذا كنت مدخـ.ـن حاول تدخـ.ـن بعيد عنهم، لما تسوق سوق بمسؤولية ورواق ولا تتخـ.ـانق مع العالم لانهم مو سامعينك بس اطفالك اللي جوا السيارة عم يسمعوا،

وقت تكون معـ.ـصب من شي وانت بالبيت استهدي بالله وغير مكانك اضبط اعصابك وكون قوي متل ما منعرفك،

وصدقني المواقف بتمرق بتمرق بس اللي رح يبقى ذكرى دائمة واله اثر هو أسلوب تعاملنا مع المواقف

مشان هيك حاول قدر المستطاع تملي ذاكرة اطفالك بمواقف حلوة وقت الشدة ووقت الرخاء.

تاسعاً:

تعزيز طفلك بالكلام والنظرات، مارح انسى والد صديقتي كيف كان يحكي مع أولاده وبناته، ماكان يناديهم الا حبيبي وحبيبتي أميري وأميرتي،

كان يحترمهم ويقدرهم ويشعر انهم شباب وشابات من لما كانوا صغار، كان ياخد طفله على مجلس الرجال ويخليه يسلم ويشارك اذا كانت مشاركته لطيفة،

مابتذكر مرة سمعته عم يصـ.ـرخ عليهم او ينتقدهم الله يخليلهم ياه ويخليهم اله، اللي عمله والد صديقتي ماكان صعب كتير هو مجرد كلمات بسيطة ونظرات اعجاب

بتخلي طفلك يتقرب منك ويشعر باحترامك اله، ومع مرور الزمن رح ترجعلك كل هي السلوكيات بشاب راقي وبيحترمك لانو بيحبك مو لانو بيخـ.ـاف منك.

عاشراً:

كونك اب هذا لايقلل من مسؤوليتك في تحمل مسؤولية التربية مع زوجتك ضروري تشارك بشكل واقعي،

يعني خلي عندك مهام بتخفف العـ.ـبء على زوجتك وانت تكون المسؤول تماماً فيها مع اطفالك مثل: “تدريس اطفالك مادة الرياضيات، او تعليمهم السباحة، او شراء حاجيات المنزل انت واطفالك بدون زوجتك،

توصيل الأولاد على المدرسة او جلبهم منها” المهم انك تشارك واياك والانسحاب التام من مسؤوليتك لان كلنا بحاجتك.