رحلة مربية الحلقة الرابعة والعشرون “كيف أشرح لطفلي عن التحرش؟” (فيديو)

وفاء غيبة ـ فريق الموقع

أهلا وسهلا فيكم بحلقة جديدة من رحلة مربية

أول الأسبوع حطيت فيديو لابني عمر على قنوات التواصل الاجتماعي تبعي ولقيت اقبال كتير منكم عليه، الفيديو كان عبارة عن عدة اسئلة طرحتها على عمر

لشارككم الفائدة اللي وصلتله بعد جلسة مسبقة وشرح اله عن موضوع التحرش، أكتر سؤال انسألته “كيف فينا نشرح لأطفالنا ونوعيهم عن التحرش”؟.

اليوم برحلة مربية رح اشرحلكم أهم الخطوات اللي لازم تعملوها ليوصل المفهوم لطفلك بالطريقة المطلوبة.

بسم الله نبدأ

التحـ.ـرش:

التـ.ـحرش من المواضيع المهمة جداً وبتخص كل عيلة بتحرص على أطفالها وحمياتهم من الذئـ.تاب البشرية، بس قبل ما أبدأ بكيفية توعية طفلك،

لازم تعرفي انه علاقتك مع طفلك اليومية ونوعية ردات فعلك للأمور هل بتكوني عـ.ـصبية او ببتفـ.ـهمي هل بتضـ.ـربي وبتصرخي ولا بتحلي المشاكل بطريقة تربوية ورايقة.

مرتبطة بشكل قـ.ـوي وأساسي ليشعر طفلك بالأمان ويخبرك بأنه تـ.ـعرض للتحـ.ترش أو انه يخفي هاد الموضوع المـ.ـصيري عنك. مشان هيك نكون واعيين للأسلوب الدائم المتبع مع أطفالنا لان رح يرجعلنا ولو بعد حين.

طيب متى وكيف أبدأ بتجهيز طفلي؟

بكل مرحلة عمرية لطفلك لازم تراعي فيها وعيه وطريقة تفكيره.

التجهيز بيبدأ من عمر سنتين بتبدي بتخبريه عن جميع  أعـ.ـضاء الجسم باستخدام كتب وقصص او ترسمي انت وياه وأهم مافي الأمر التسمية الصحيحة العلمية للأعـ.تضاء.

لما بيكبر طفلك وبيصير 3 سنوات وما فوق بتبدي بتفهمي انه في مناطق خاصة بالجسم ممـزـنوع حدا يشوفها او يلمساها الا ماما او العاملة وقت تنظيفك من الحمام، والطبيب اذا كانت ماما او بابا معاك.

لما يكون طفلك رايق عدي جنبه وقوليله بدي احكي معك بموضوع كتير مهم وقوليله اليوم بدي نحكي عن شي اسمه التـ.ـحرش.

اشرحيله عن التحـ.ـرش اللفظي والجسـ.ـدي، اعطيه امثلة، واسئليه: “هل مسموح حدا يمسكنا من هاد المكان” “هل عادي حدا غريب يقلي ياحلوة انا بحبك؟”

“هل مسموع يشوف هاد المكان؟” المفروض يكون جوابه لأ بعدها مباشرة بتقوليله أكيد لا وممنوع.

بعد هيك استعيني بالقصص اوالفيدوهات التوعوية المناسبة لطفلك وعمره واقعدي مع طفلك واشرحيله اللي عم يشوفه.

جيبي ورقة وقلم وارسمي انت وطفلك جسم مبسط من الأمام ورسمة تانية للجسم من الخلف وحطي بقلم لونه واضح شكل x على الأماكن الممنوع أي حدا يلمسها الا اللي حكيت عنهم بالنقطة الثانية.

خلي الحديث بسيط وهادي مافي كلمات عيب ومابسمحلك بهاد السؤال، خلي طفلك يشعر بالأمان لما تحكوا بهيك موضوع مهم.

خبري طفلك أماكن الناس مسموح انها تلمسنا فيها او تبوستزتنا عليها متل الكتف الرأس السلام باليد، القـ.ـبلة على الخد اذا كان قريب وهو متقبل اذا رفـ.ـض طفلك لا تغصبـ.ـيه.

وهي نقطة مهمة جدا لازم ننتبه عليها انه المجتمع كتير مرات بيفرض على أطفالنا أمور لازم نحن نرفضها ونحترم راي طفلنا فيها،

متل السلام على صديقات الام او الاب وتقبـزتيلهم حتى لو هو رافـ.ـض، الجلوس بحـ.ـضن الأقارب غـ.ـصباً.. لا تغصـ.ـبوا اطفالكم على هيك أمور واكتفوا بسلام بعيد للجميع اذا أراد.

كيف يجب أن يتعامل طفلي مع الموقف؟

عطي طفلك سـ.ـلاح وعلميه كيف يتصرف لما يحس بأي شعور غير آمن، اول شي لازم يبعد الشخص عنه، يصـ.ـرخ مباشرة بأعلى صوت لأ،

وبعدها يركض لعندك او لعند أي حدا بالغ ويخبره ووضحي لطفلك انه ممكن المتحـ.ـرش يكون أكبر منك بالعمر واطول منك واقوى منك جسديا

بس صـ.ـرخة وحدة منك رح تخليه يخـ.ـاف ويعملك حساب، اما اذا سكتت وخفـ.ـت رح يتمادى ويتـ.ـحرش فيك وبغيرك، مشان هيك هو بيستحق العقـ.ـاب مباشرة وما نصدقه لو قال آسف ومارح عيدها.

قولي لطفلك انه هدول الناس موجودين بالدنيا هنن سـ.ـيئين ومـ.ـجرمين، وممكن نكون منعرفهم وممكن لا، بس اهم شي انك تخبرني وماتخاف مهما قلك ياويلك وبدي اقتلك اذا بتخبر حدا، لازم تعرف انه ماما وبابا رح يكونوا متل الأسـ.ـد والـ.ـلبوة ليدافـ.ـعوا عنك ويوقفوا عند حده.

عيدي هاد الموضوع بين فترة والتانية ودائما كوني واعية ومركزة لنوعية البرامج اللي عم يشوفها طفلك ومع مين عم يلعب، ووين بيروح ومين رفقاته.

التحـ.ـرش موضوع كبير حاولت حط اهم النقاط الأساسية اللي لازم توعي فيها طفلك، لكن لازم تعرفي انه اذا طفلك تعرض للتـ.ـحرش

اول خطوة انك ماتـ.ـلوميه ولا تقوليله الحق عليك لانك رحت لحالك او لانك خليته ادعمي طفلك وكوني سند اله دائماً

وبنصحك تستشيري المختصين في حالة وقوع تـ.ـحرش بطفلك، لحتى يساعدوكي ويساعدوا طفلك ليتخطى هي الأزمة  الصعبة.

هي ختام حلقتنا لليوم

ولو انت لسة تايهة بسلوك طفلك فيكي تحجزي موعد للاستشارة معي عن طريق التواصل مع مركز هدوء للاستشارات الاسرية على هاد الرقم:

+966551188912