رحلة مربية الحلقة التاسعة والعشرون “طفلي يطالب بحساب على السناب” (فيديو)

وفاء غيبة ـ فريق الموقع

أهلا وسهلا فيكم بحلقة جديدة من رحلة مربية

طفلي والتواصل مع العالم الخارجي عن طريق الانترنت موضوع محير أهالي كتير، هل أشتري لابني جهازه المحمول الخاص،

هل اسمحله يفتح حساب على مواقع التواصل الاجتماعي هل يلعب الفورت نايت مع الغـ.ـرباء ولا لازم حدد مين يحكي معاه؟ كيف فيني احمي طفلي من العالم المخيف الموجود بالانترنت؟.

كل الأجوبة رح تكون بحلقة اليوم!

بسم الله نبدأ

الخميس الماضي لقيت بنتي ليان زعـ.ـلانة قربت منها وحاكيتها بدئت بجملة بصوت حـ.ـزين مع شوية دمـ.ـوع “كلو صار عنده جوال إلا أنا”،

سئلتها مين قصدك جاوبتني انه رفقاتها بالفصل وكم طفل بأفراد عائلتنا الممتدة،،عنده جوال سئلتها انت ليش محتاجة جوال،

قالتلي كل رفقاتي بالفـ.ـصل عندهم جوال خاص فيهم وحساب على السناب تشات والانستجرام طبعاً

الحديث اخد اكتر من ربع ساعة على اخد ورد، لحتى قدرت وصل لليان فكرتي من هاد الموضوع

هل جملة “كل رفقاتي عندهم وانا لأ”، تقسم ظهر الأهل ممكن جداً، ايه وممكن لأ، في أهل بيقولوا خلص بما انه رفقاتك عندهم

معناها انت ممكن يكون عندك حساب على مواقع التواصل الاجتماعي وفي اهل بيرفـ.ـضوا تماماً الفكرة بدون نقاش، أنا كان عندي نقطة مهمة جداً

واللي هي أنه تفهم ليش هي ماعندها حساب على جوالها الخاص طبعاً هاد مو سهل معناها رح امشي معها خطوة خطوة لحتى توصل

لجزء من الاقتناع بعدم حاجتها اله لأن أنا محتاجة جداً انه القرار يطلع منها لو كان القرار واضح عندي وحـ.ـازمة فيه.

 قبل كل شي لازم تعرفوا

أولاً:

ما في وقت واحد صحيح لفتح حساب على مواقع التواصل الاجتماعي بيناسب كل الأهالي وأولادها، كل مراهـ.ـق وشخصيته، طريقة تربيته، أولويات الأهل ومدى متابعتهم لأطفالهم.

ثانياً:

وحدة من الخطوط الحـ.ـمراء هي أنه أغلب مواقع التواصل الاجتماعي بتطالب الشخص اللي عم يعمل حساب جديد انه يكون عمره فوق ال13 سنة

اذا بشكل مبدئي ممـ.ـنوع قانـ.ـوناً لأي طفل تحت هاد العمر يكون عنده حساب على مواقع التواصل الاجتماعي.

ثالثا:

تذكروا دائما انه مواقع التواصل الاجتماعي او الألعاب الاكترونية اللي فيها تواصل مع الـ.ـغرباء هي حلم

منحققه للمـ.ـتنمرين والأشخاص اللي بيتمتعوا بمطـ.ـاردة الغير وتتبع اخبارهم باختلاف النوايا السـ.ـيئة.

رابعا:

سمعنا كتيرعن لعبة الحوت الأزرق وغيرها اللي ممكن تخلي الطفل يعمل أمور مميتة فقط لأنهم عم يبـ.ـتزوه، بالتأكيد ماكانوا قدروا يوصلوله

لو ما كان عنده حساب على السوشال ميديا او أي نوع من التواصل عبر الانترنت وهو ماعرف يوقفهم

طبعا الأمور التقنية بكيفية الابـ.ـتزاز مشروحة من بعض الأشخاص اللي بيحكوا بالتقنية على اليوتيوب

خامساً:

اسألي نفسك ماهي مدى مهارات ابنك بالرد على التعلـ.ـيقات السـ.ـلبية والتـ.ـنمر، هل هو قادر انه يتجاهل السب

والكلام المسـ.ـيء ويتعامل مع الموضوع بذكاء عاطفي وما يأثر على حياته ومستواه الدراسي؟ الجواب عندك

سادساً:

هل أنت متواجدة بشكل دائم لمراقبة ابنك وتوجهيه على الخطـ.ـأ والصح والمناسب والغير مناسب؟

الجواب عندي غالبا لأ لأن اشبه بالمستحيل انه نكون مع أطفالنا طوال الوقت.

مافينا نكون ساذجين لما يجي الموضوع على سلامة ابني الصحـ.ـية والنـ.ـفسية ضروري نستحضر كل الأمور

اللي ممكن تظهر لأبني ويواجهها بمجرد اني اعطيته مفتاح لعالم كبير رح يضيع بسهولة فيه.

كيد مو شعور سهل وبيخلي مهمتك موجهة لتعبئة وقته بطريقة صحية لحتى يشعر بأهمية وجوده واثبات ذاته لنفسه وللمجتمع من خلال انجاز يومي.

ثامناً:

هل في بدائل مرضية.. اللي بده ممكن يلاقي واللي بده يصـ.ـعب الأمور كل البدائل مارح ترضيه فمثلا ،

ممنوع اللعب مع الغـ.ـرباء بالنت بالفورت نايت لكن ممكن يلعب مع الأقرباء والأصدقاء الموثوقين “وبغرفة مفتوحة ومو لوحده ومغلق الباب عليه”.

في النهاية!

مشاركة الصور لا بأس بجوالك الخاص جروب لأولاد العائلة او ترسلي صورة اله لعائلتك او لعائلة زوجك وورجيه كل التعليقات اللي اجت

بده يلعب بفلترات السناب معك بالجوال يلعب وارسلي لزوجك واخواتك والناس اللي هو بيحب انه يشاركهم البدائل موجودة بس مين بيثبت عليها

أهمية وأثـ.ـر هاد الموضوع بيختلف من بيت لبيت، والمشكلة اللي لسة ماواجهتها يمكن ابنك بعد كم سنة يحطـ.ـك فيها مشان هيك،

ثبتي قوانينك بشكل واضح لجميع أطفالك، وضـ.ـحي العمر والشروط، لا تتهاوني وكوني حـ.ـازمة

اذا احد كسـ.ـر قوانينك ودائما كوني متواجدة ولا تتركي الأمور للتساهيل.

التواصل مع العالم الخارجي لطفل هو متل لو رمـ.ـي ابنك بنص البحر وقلتي هو بيعرف يسبح صحيح انت علمتيه

التـ.ـعامل مع الماء والسباحة لكن هل علمتيه مواجـ.ـهة القـ.ـروش وتفاديها؟ الجواب عندك

هي ختام حلقتنا لليوم

ولو انت لسة تايهة بسلوك طفلك فيكي تحجزي موعد للاستشارة معي عن طريق التواصل مع مركز هدوء للاستشارات الاسرية على هاد الرقم:

+966551188912

https://dailysyria.net/2021/%d9%81%d9%8a-%d8%ac%d9%86%d9%88%d8%a8-%d8%a5%d9%81%d8%b1%d9%8a%d9%82%d9%8a%d8%a7-%d9%88%d9%84%d8%a7%d8%af%d8%a9-%d8%b7%d9%81%d9%84%d8%a9-%d9%85%d8%b5%d8%a7%d8%a8%d8%a9-%d8%a8%d8%a7%d9%84%d8%b4/