رحلة مربية الحلقة الثلاثون “هل التربية الحديثة خدعة؟” (فيديو)

وفاء غيبة ـ فريق الموقع

أهلا وسهلا فيكم بحلقة جديدة من رحلة مربية.

التربية بحب التربية الحديثة مسميات جديدة دخلت على حياتنا وخلتنا نعيد النظر بأسلوب تربيتنا لأطفالنا ورسم خريطة جديدة بنوعية التعامل اليومي معهم.

هل يكفي أني اتبنى التربية الحديثة، هل هية الطريقة الصحيحة؟ هل ابني اكيد رح يكون افضل لما اتبع هاد الأسلوب؟.

بسم الله نبدأ

التربية الحديثة

تطوير مهارات طفلي الفكرية والنفـ.ـسية والاجتماعية والأكاديمية هدف لأغلب الأهالي، كيف فيني خلي ابني مميز هاد الموضوع الكبير حكيت عنه بكتابي من الصفر إلى الفخر كيف تربين ابناً مميزاً.

بنصحكم تقروه هو موجود كتطبيق لكل الأجهزة باسم وفاء غيبة

حكيت فيه عن مواضيع كتير من أهمها هو القاعدة الذهبية.

اللي بتشرح كيفية التوازن ما بين كفة الحب وكفة الحـ.ـزم.

ليش انا عم احكي عن هاد الموضوع لأن بغض النظر عن المسميات المتعددة للتربية في مفهوم أساسي لازم ماننـ.ـساه

واللي هو التربية بحب لازم ماتعني طفل دلوع أو مسـ.ـتهتر  تربية حديثة لازم ماتخلي ابني وقح او متمرد ما بيحترم أمه أو أبوه واللي أكبر منه.

طفل لا يلتزم بقوانين المنزل، بيستخدم صـ.ـراخه ودمـ.ـوعه للحصول على المزيد والمزيد من الرغبات بعيداً عن ضـ.ـبط النفـ.ـس وإدارة الذات.

طفل بيطالب بأمور ممنوعة بحجة “هاد حقي”

للمعلومية الطفل حقوقه واضحة محليا ودولياً لكن نحن لما نربي طفلنا بطريقة نعوده على ميزات معينة لما يكبر ويصير بعمر المراهقة بكون اعتادها فا بيعتقد أنها حق من حقوقه.. و بيصير بطالب فيها بكل جرأة.

أنا ضد الضرب تماماً من الأهل وضد الوقاحة من  الطفل، وضد أيضاً الصراخ من الأهل وضد عدم الاحترام من الطفل.

كما أني ضد الاستهزاء بالطفل من الأهل وضد التمادي من الطفل، وضد التسلط وعدم الحوار من الأهل وضد تلبية جميع رغبات الطفل.

كيف أتصرف؟

أنا مع الصبر وتعلم المهارات الي بتخليني أم عارفة كيف اتصرف بكل موقف بواجهه مع طفلي التعامل مع الأطفال لا ينجز بعصى سحرية بل يحتاج قراءة وبحث وتعلم،

مسؤوليتك كأم مسؤولية ضخمة ومتشعبة، ولا تنسي أنت أم مو صديقة، لأن الصديق مابيطبخ لرفقاته وبيغسلهم ملابسهم،

وبيحممهم وبيخاف عليهم وبينصحهم وبيربيهم، أنت أم أكيد ضروري تكوني أم مرنة ولطيفة وبتضحكي مع أطفالك وتلعبي معهم وتكوني أرجوز يضحكهم،

لكن كل هاد لا يعني أنك تمسحي هيبتك كأم، طفلك اللي اشتغلتي على تطوير مهاراته وصبرتي على كل المواقف الصعبة اللي مريتي فيها

لايعني انه يكبر ويصير عمره ست سنوات ومافوق يجي يتأمر عليكي ومايراعي تعبك أو يلبيلك طلباتك بالأخص اذا كنت متوازنة وغير متواكله دائماً.

طيب شو الحل كيف خلي ابني محترم ومقدر للنعم اللي حوله

اعرفي اللي الك كأم واللي عليك من أطفالك، انتبهي من التسلط والتمرد عليهم وبنفس الوقت انتبهي من انك تكوني ضعيفة ومستسلمة.

فعلي القاعدة الذهبية وازني بين الحزم والحب كوني الأم المرنة الواضحة وبنفس الوقت لا تتهاوني باستخدام الحزم لما يسيء السلوك.

انتبهي من تدليعه وتلبيه كل رغباته ولا تقولي قلبي مابيستحمل انه يطلب ومالبيه.. الدنيا مو وردية فلا تعيشيه عالم غير واقعي.

ربيه عل القيم والأخلاق اللي تعلمناها من دينا الحنيف ، بالطبع طبقيها انت وذكريه فيها ورح تنزرع بشخصه.

ما في داعي تستخدمي الضرب او الصراخ لحتى تثبتي هيبتك، فيكي تستخدمي أسلوب تكرار الطلب، التعزيز، الحرمان، أو العقاب الصحي اللي شرحته بحلقتين سابقتين من رحلة مربية.

التربية عالم كبير، بيحتاج انك ترتبي افكارك ومعلوماتك واولوياتك لتقدري تعيشي حياة ممتعة مع اطفالك، وتذكري

انا لما قول لا تكوني ام ضعيفة ومستسلمة كمان لا يعني انك تحرمي طفلك من انك تفهميه وتتقربي منه اياك والتسلط والقسوة اياك من كلمة بس هيك لأني أمك،

لازم يفهم ابنك ليش لا وليش ممنوع.. وتذكري التربية لا تعني ضغط ولا تسيب، بعرف انه مو سهل لكن مجرد وعيك

لهاد الموضوع ومحاولتك الدائمة لتحقيق التوازن بيدل أنك ام رائعة.وشكراً لكل جهودك

هي ختام حلقتنا لليوم

ولو انت لسة تايهة بسلوك طفلك فيكي تحجزي موعد للاستشارة معي عن طريق التواصل مع مركز هدوء للاستشارات الاسرية على هاد الرقم:

+966551188912

https://dailysyria.net/2021/%d8%a8%d8%a7%d8%b9%d9%88%d9%87%d8%a7-%d8%b7%d9%81%d9%84%d8%a9-%d8%a8%d9%80%d9%80-6-%d8%af%d8%b1%d8%a7%d9%87%d9%85-%d9%82%d8%b5%d8%a9-%d8%a7%d9%84%d8%b9%d8%a7%d8%a8%d8%af%d8%a9-%d8%b1%d8%a7/