رحلة مربية الحلقة التاسعة عشرة “طفلي غيور” (فيديو)

وفاء غيبة ـ فريق التحرير

أهلا وسهلا فيكم بحلقة جديدة من رحلة مربية.

الأسبوع الماضي حطيت بوست على وسائل التواصل الاجتماعي تبعي عن أسباب غـ.ـيرة الأطفال،

اجاني اكتر من سؤال انه شو الحل؟ فقلت لازم اعمل حلقة لتوضح كيفية علاج مشكلة الغيرة اذا كانت عند طفلك.

بسم الله نبدأ

أسباب الغيرة

أول شي لازم نعرف انه الغـ.ـيرة عند الأطفال بتتولد بمواقف معينة متل:

لما بيشعر بالخسـ.ـارة وفقد الشيء مثال لما بيجي مولود جديد على العائلة وبيبدا يشعر انه خسـ.ـر اهتمام امه وابوه،

بالتأكيد رح يشعر بالغيـ.ـرة من المولود الجديد، الا بالتأكيد اذا اشتغلنا على التجهيز المسبق اللي ممكن اشرحلكم ياه بحلقة كاملة من رحلة مربية

لما بيشعر بمدى موهبة الطفل الآخر، أكيد كلياتنا مرقنا بموقف شفنا واحد موهوب اكتر منا بشغلة نحن منحبها،

وشعور الغيـ.ـرة تسلل لنفوسنا، فالبالتالي اكيد طفل لسة ما تطورت عنده مهارات التعامل مع مشاعره رح يشعر بالغيـ.ـرة..

عند فقدان السيطرة والتحكم، بموقف متل انفصـ.ـال الأبوين عن بعض الطفل بيمرق بمزيج من المشاعر السـ.ـلبية،

وبالتأكيد رح يشعر بالغـ.ـيرة اذا ابوه او امه عاشوا ببيت تاني مع أطفال الشريك الجديد.

عند الشعور بالظلـ.ـم، اذا تعامل الاهل مع الطفل ظـ.ـالم وقاسـ.ـي، الضـ.ـرب عندهم وسيلة للتعبير والتربية.

أكيد الطفل رح يرفض هاد الأسلوب بقلبه ويقارن معاملة أهالي اقربائه وأصدقائه لما تكون بتعتمد على الاحترام والتقدير

فبالتالي رح يغـ.ـار من هدول الأطفال ويتمنى يعيش نفس عيشتهم.

الغيرة ممكن تجي وتروح، وللأهل دور أساسي وكبير ليتغلب الطفل على غيرته، فإذا كانوا الاهل مهتمين ومتابعين لسلوك طفلهم

وملبين احتياجاته النفسـ.ـية والعقـ.ـلية والجسـ.ـدية بتوازن رح يتعافى طفلهم من مشـ.ـكلة الغيـ.ـرة، لكن للأسـ.ـف في أهالي بتكون سبب بتأصل هي المشـ.ـكلة عند طفلهم،

لأنهم بيعتمدوا أسلوب غير تربوي في التعامل مع طفلهم، ممكن ببساطة يزرعوا مفهوم الغيرة عند طفلهم بمقارنته الدائمة لمن حوله،

ولما يكونوا هنن بينظروا للي بأيد غيرهم وبيغـ.ـاروا من حصولهم عليه، للأسـ.ـف شفت أهالي هيك وبالتأكيد النتيجة طلعت بأطفالهم.

طيب شو لازم نعمل لنكون اهل تربويين ونحل مشـ.ـكلة طفلنا:

اولاً:

نتقبل أطفالنا متل ماهنن، ولا نغيرهم لحتى يعملوا أمور ترضينا، بل نحن نتغير لنرضى بالأمور اللي بيعملوها على بساطتها،

ابتعدوا عن مقارنة اطفالكم باطفال الناس او حتى اخواته، لا تعلو سقف توقعاتكم منه..

ثانياً:

التعاطف مع مشاعر طفلك معرفة سببها وتسميتها اله، “انت غـ.ـرت من فارس لأنه فاز بالسباق وانت لأ”

خلينا نكرر دائما جملة “نحن منلعب مشان نستمتع مو مشان نفوز، والخسـ.ـارة لا تعني اني شخص مو كويس”

ثالثاً:

خلينا نذكر أطفالنا بالاشياء الحقيقة الي بتخلينا اشخاص مميزين وايجابين وخلي نظام حياتكم بعيد عن المنافسة،

“يالله مين رح يلبس اول هو الشاطر، مين بيحط حزام السيارة اول هو الشاطر” هاد الأسلوب قـ.ـاتل للطفل

لانه عم يعيش منافسة يومية دون هدف وتتولد مشاعر غيرة بينه وبين اخواته.

رابعاً:

ذكري طفلك بانجازاته الماضية وكم قدر بكتير مرات يكون مميز وكم انت فخورة  فيه وبكل شي بيعمله.

خامساً:

استخدمي القصص الي بتحكي عن الغيــ.ـرة وكيفية التعامل معها، ضروري انه طفلك يعرف انه هاد الشعور موجود، لكن كيف لازم نتغـ.ـلب عليه.

سادساً:

علمي طفلك حديث الرسول صلى الله عليه وسلم” لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ”

يعني انه يظهر مشـ.ـاعر السعادة لانجاز الناس اللي بيحبها وهاد الأمر بتزرعي لما انت تنبسطي اذا صار شي لرفيقتك انت كنت بتتمنيه لنفسك

ومع هيك اظهرتي كل مشاعر السعادة الها، متل انك تقولي: مشاء الله رفيقتي اشترت بيت حلو كتير ربي يهنيها وتشوف فيه أيام حلوة،

رفيقتي مسافرة ربي يسعدها ويحميها اكيد هاد الأسلوب رح يزرع بطفلك مفهوم راقي بتمني الخير للغير ويبتعد عن شعور الغيرة

سابعاً:

الحمد الدائم على كل النعم، ضروري تورجي طفلك مدى سعادتك بالأمور المتوفرة عندكم، وذكريه دائما انه صح في ناس ممكن اغنى منكم

وبيتها اكبر وسياراتهم اغلى بس هاد لايعني انكم مو بنعمة كبيرة لان في ناس بالمسـ.ـتشفيات مريـ.ـضة متمنية تقوم تمشي وتاكل لحالها،

وفي ناس متمنية يكون عندها سقف يغطي عليها برد الشتا وحر الصيف، اظاهر النعم الموجودة بحياتكم رح يخلي طفلك يفكر اكتر من مرة انه يغـ.ـار من الناس اللي حوله

هي ختام حلقتنا لليوم

ولو انت لسة تايـ.ـهة بسلوك طفلك فيكي تحجزي موعد للاستشارة معي عن طريق التواصل مع مركز هدوء للاستشارات الاسرية على هاد الرقم:

+966551188912